Марзалюк Ігар Аляксандравіч

Нарадзіўся 11 верасня 1968 года ў гарадскім пасёлку Краснаполле Магілёўскай вобласці.

Скончыў Магілёўскі дзяржаўны педагагічны інстытут імя А.А.Куляшова, гісторык.

Член-карэспандэнт Нацыянальнай акадэміі навук Беларусі, доктар гістарычных навук, прафесар. Аўтар 140 навуковых прац, у іх ліку 18 кніг.

Працаваў археолагам архітэктурна-рэстаўрацыйнай фірмы «АРТ-М»; старшым выкладчыкам, дацэнтам кафедры філасофіі, дацэнтам кафедры археалогіі, дацэнтам кафедры ўсеагульнай гісторыі, загадчыкам кафедры археалогіі і спецыяльных гістарычных дысцыплін УА «Магілёўскі дзяржаўны ўніверсітэт імя А.А.Куляшова».

Член савета УА «Магілёўскі дзяржаўны ўніверсітэт імя А.А.Куляшова».

Кіраўнік і выканаўца дзяржаўнай праграмы навуковых даследаванняў «Гісторыя, культура, грамадства, дзяржава» на 2011 – 2015 гады.

Двойчы лаўрэат стыпендыі Прэзідэнта Рэспублікі Беларусь у намінацыі «Маладыя дактары навук».

З’яўляўся членам Савета Рэспублікі Нацыянальнага сходу Рэспублікі Беларусь пятага склікання; дэпутатам Палаты прадстаўнікоў Нацыянальнага сходу Рэспублікі Беларусь шостага склікання, быў старшынёй Пастаяннай камісіі па адукацыі, культуры і навуцы.

Узнагароджаны ордэнам Пашаны, медалём «За працоўныя заслугі», нагрудным знакам Міністэрства адукацыі Рэспублікі Беларусь «Выдатнік адукацыі», ганаровымі граматамі Нацыянальнага сходу Рэспублікі Беларусь, Нацыянальнай акадэміі навук Беларусі, Міністэрства адукацыі Рэспублікі Беларусь, Савета Міжпарламенцкай Асамблеі дзяржаў – удзельніц СНД, ордэнам «Садружнасць», медалём «За ўмацаванне парламенцкага супрацоўніцтва» Савета Міжпарламенцкай Асамблеі дзяржаў – удзельніц СНД.

• «Аб змяненні Кодэкса Рэспублікі Беларусь аб адукацыі»
  Прыняты ў другім чытанні