Галоўная / Беларуская версія / Прэс-служба / Інтэрв'ю, выступленні, публікацыі

Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


24.09.2019

Беларусь адзначае важнасць ініцыятывы інтэграцыі інтэграцый для разрадкі напружанасці ў свеце

Палітыка 24.09.2019 | 14:35

24 верасня, Мінск /Кар. БЕЛТА/. Рэалізацыя ініцыятывы інтэграцыі інтэграцый можа садзейнічаць разрадцы напружанасці на сусветнай арэне. Аб гэтым заявіў старшыня Палаты прадстаўнікоў Уладзімір Андрэйчанка на сустрэчы са старшынёй Мажыліса парламента Казахстана Нурланам Нігматуліным, паведамілі БЕЛТА ў прэс-службе Палаты прадстаўнікоў.

Уладзімір Андрэйчанка прымае ўдзел у IV Нарадзе спікераў парламентаў краін Еўразіі ў Нур-Султане. На палях форуму беларускі спікер правёў перагаворы з казахскім калегам. Гаворачы аб пытаннях, якія плануецца абмеркаваць на нарадзе, старшыня Палаты прадстаўнікоў зрабіў акцэнт на тым, што сучасны свет павінен памятаць аб жорсткіх уроках Другой сусветнай вайны і рабіць адпаведныя вывады. Асабліва сёння, калі новы віток гонкі ўзбраенняў ставіць народы на мяжу глабальнага ядзернага канфлікту. "У сувязі з гэтым ён адзначыў важнасць ініцыятывы інтэграцыі інтэграцый, прыхільнікамі якой з'яўляюцца беларускі і казахстанскі лідары. Яе рэалізацыя можа істотна садзейнічаць разрадцы напружанасці на аснове прынцыпаў добрасуседства, раўнапраўя, узаемнага даверу і развіцця эканамічнага супрацоўніцтва", - адзначылі ў прэс-службе.

У студзені - чэрвені 2019 года двухбаковы тавараабарот склаў $481,7 млн і павялічыўся ў параўнанні з аналагічным перыядам 2018-га на 11,8 працэнта. Спікер падкрэсліў, што такія тэмпы развіцця ўзаемавыгаднага супрацоўніцтва па ўсіх напрамках сталі магчымымі дзякуючы дружалюбным і даверным сувязям, якія склаліся паміж кіраўніком беларускай дзяржавы і першым прэзідэнтам Казахстана, а таксама цяперашнім кіраўніцтвам гэтай краіны.

Старшыня Палаты прадстаўнікоў таксама адзначыў уклад, які ўносяць у развіццё эканамічнага супрацоўніцтва парламентарыі дзвюх краін.

У прэс-службе звярнулі ўвагу, што беларускую дэлегацыю з цёплынёй сустрэў кіраўнік Мажыліса казахстанскага парламента. Нурлан Нігматулін падкрэсліў, што Беларусь для Казахстана з'яўляецца важнейшым палітычным і эканамічным партнёрам, а адносіны паміж дзвюма краінамі могуць служыць узорам. Ключавая роля ў дасягненні існуючага ўзроўню адносін належыць прэзідэнтам дзвюх краін, і Казахстан, паводле слоў спікера, мае намер і далей развіваць дружалюбныя адносіны з Беларуссю.

Закрануўшы тэму выбарчай кампаніі ў Беларусі, Нурлан Нігматулін згадзіўся з прапановай свайго беларускага калегі накіраваць наглядальнікаў на выбары ў складзе місій міжнародных парламенцкіх арганізацый. Ён запэўніў, што Мажыліс абавязкова накіруе сваіх наглядальнікаў на маючыя адбыцца выбары ў беларускі парламент.

Як паведамлялася, Уладзімір Андрэйчанка 23-24 верасня прымае ўдзел у IV Нарадзе спікераў парламентаў краін Еўразіі, якая праходзіць у Нур-Султане па тэме "Вялікая Еўразія: Дыялог. Давер. Партнёрства".

Уладзімір Андрэйчанка выступіць на пленарным пасяджэнні, а таксама правядзе двухбаковыя сустрэчы, на якіх раскажа аб пазіцыі Беларусі па пытаннях парадку дня нарады і развіцця ўзаемавыгаднага супрацоўніцтва, адзначылі ў прэс-службе.

Аб сваім удзеле ў нарадзе заявілі парламенты 59 дзяржаў, у тым ліку 47 - на ўзроўні спікераў і віцэ-спікераў, і 13 міжнародных і міжпарламенцкіх арганізацый. Мерапрыемства накіравана на наладжванне прамога шматбаковага дыялогу паміж заканадаўчымі органамі дзяржаў Еўропы і Азіі, а таксама паміж міжнароднымі і міжпарламенцкімі арганізацыямі ў мэтах забеспячэння плённага супрацоўніцтва краін Еўразіі.

Усе інтэрв'ю
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць