Рус Бел Eng

Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75           

Электронная пошта:
inform@house.gov.by

27.05.2020

27 мая 2020 года пад кіраўніцтвам Ражанец В.В. у Палаце прадстаўнікоў прайшло першае пасяджэнне парламенцкай рабочай групы па справах беларусаў замежжа

У Нацыянальным сходзе Рэспублікі Беларусь сёмага склікання ў адпаведнасці з рашэннем Савета Палаты прадстаўнікоў створана рабочая група па справах беларусаў замежжа.

— Гэта яскравае пацверджанне прызнання ўзаемадзеяння з дыяспарай як аднаго з прыярытэтаў у дзейнасці Парламента, — адзначыла намеснік старшыні Пастаяннай камісіі па правах чалавека, нацыянальных адносінах і сродках масавай інфармацыі, кіраўнік групы Ражанец В.В., — і будзе спрыяць далейшаму ўмацаванню супрацоўніцтва з беларусамі замежжа, пашырэнню кантактаў з арганізацыямі беларускай дыяспары за мяжой.

У рабочую групу ўвашлі дэпутаты Палаты прадстаўнікоў Марзалюк І.А. (старшыня Пастаяннай камісіі па адукацыі, культуры і навуцы), Сонгін А.Г. (член Пастаяннай камісіі па заканадаўстве), Варанецкі В.І. (член Пастаяннай камісіі па міжнародных справах), члены Савета Рэспублікі Рачкоў С.А. (старшыня Пастаяннай камісіі па міжнародных справах і нацыянальнай бяспецы), Лісковіч В.А. (старшыня Пастаяннай камісіі па адукацыі, навуцы, культуры і сацыяльным развіцці).

Першае пасяджэнне прайшло ў фармаце відэасувязі з Міністэрствам замежных спраў.

— Вітаем стварэнне парламенцкай групы па справах беларусаў замежжа ў новым складзе. Для нас гэта сігнал таго, што Парламент сур’ёзна ставіцца да ўзаемадзеяння з беларусамі замежжа, мы гатовы працаваць разам, — падкрэсліў намеснік Міністра замежных спраў Дапкюнас А.В.

МЗС, кіруючыся прынятым у 2014 годзе Законам «Аб беларусах замежжа», умацоўвае супрацоўніцтва з аб’яднаннямі беларусаў за мяжой. Наладжана работа Кан­суль­татыўнага савета, у пасяджэннях якога дэпутаты Палаты прадстаўнікоў ужо прымалі ўдзел. Гэта пляцоўка можа быць задзейнічана для практычнага ўвасаблення планаў супрацоўніцтва.

Асаблівасці работы з беларускай дыяспарай за мяжой добра вядомы дырэктару ўстановы «Дзяржаўны музей гісторыі беларускай літаратуры» Рыбакову М.Л.,  які падзяліўся сваім вопытам.

Падчас пасяджэння кожны з удзельнікаў выказаў прапановы па дзейнасці рабочай групы, парламентарыі абмеркавалі прыкладны план работы.   


Усе навіны
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць

220010, Рэспубліка Беларусь, г. Мінск, вул. Савецкая, 11

Аддзел па арганізацыі работы з дакументамі
Тэл. (017) 222 32 62
Факс: (017) 327 37 84
E-mail: kc1@house.gov.by

Аддзел па рабоце са зваротамі грамадзян і юрыдычных асоб
Тэл. (017) 222 62 52
          (017) 222 63 58
E-mail: letters@house.gov.by

Накіраваць электронны зварот на адрас Палаты прадстаўнікоў Нацыянальнага сходу Рэспублікі Беларусь і яе Cакратарыята вы можаце тут

Тэл. (017) 222 64 75
Факс: (017) 222 32 13
E-mail: inform@house.gov.by