28 мая 2019 г. пад старшынствам І.А.Марзалюка адбылося пасяджэнне Пастаяннай камісіі Палаты прадстаўнікоў па адукацыі, культуры і навуцы, на якім былі разгледжаны пытанні падрыхтоўкі законапраектаў да разгляду на сесіі Палаты прадстаўнікоў.

У пасяджэнні камісіі прыняў удзел намеснік начальніка ўпраўлення па раскрыцці злачынстваў у сферы высокіх тэхналогій Міністэрства ўнутраных спраў Рэспублікі Беларусь Вяткін К.А., які дэталёва распавёў пра мэты і прававыя падставы падрыхтоўкі і падпісання Пагаднення аб супрацоўніцтве дзяржаў — удзельніц Садружнасці Незалежных Дзяржаў у барацьбе з злачынствамі ў сферы інфармацыйных тэхналогій. Было адзначана, што Пагадненне распрацавана ў рамках рэалізацыі Міждзяржаўнай праграмы сумесных мер барацьбы са злачыннасцю на 2014 — 2018 гады і накиравана на забеспячэнне эфектыўнага папярэджання, выяўлення, спынення, раскрыцця і расследавання злачынстваў у сферы інфармацыйных тэхналогій.

Па выніках разгляду пытання прынята заключэнне Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры і навуцы па праекце Закона Рэспублікі Беларусь «Аб ратыфікацыі Пагаднення аб супрацоўніцтве дзяржаў — удзельніц Садружнасці Незалежных Дзяржаў у барацьбе са злачынствамі ў сферы інфармацыйных тэхналогій», у адпаведнасці з якім рэкамендавана Палаце прадстаўнікоў разгледзець і прыняць праект Закона.

Член камісіі Каляснёва А.П. праінфармавала дэпутатаў камісіі аб ходзе работы па падрыхтоўцы да разгляду ў першым чытанні праекта Закона Рэспублікі Беларусь «Аб змяненні Закона Рэспублікі Беларусь «Аб дзяржаўнай інавацыйнай палітыцы і інавацыйнай дзейнасці ў Рэспубліцы Беларусь». У цяперашні час законапраект дапрацаваны з улікам заўваг галоўнага дзяржаўна-прававога ўпраўлення Адміністрацыі Прэзідэнта Рэспублікі Беларусь і накіраваны на ўзгадненне субъекту права заканадаўчай ініцыятывы. Прынята рашэнне працягнуць работу над праектам закона.

Акрамя таго, на пасяджэнні камісіі былі разгледжаны пытанні ўзнагароджання Ганаровай граматай Нацыянальнага сходу Рэспублікі Беларусь.