«Аб далучэнні Рэспублікі Беларусь да Міжнароднай канвенцыі аб грамадзянскай адказнасці за ўрон ад забруджвання бункерным палівам 2001 года»

19 чэрвеня 2019 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб далучэнні Рэспублікі Беларусь да Міжнароднай канвенцыі аб грамадзянскай адказнасці за ўрон ад забруджвання бункерным палівам 2001 года», які быў унесены ў Палату прадстаўнікоў Саветам Міністраў Рэспублікі Беларусь.

Асноўнай мэтай Канвенцыі з’яўляецца пакрыццё ўрону, прычыненага забруджваннем марскога асяроддзя з прычыны ўцечкі або зліву ў мора нафты, якая перавозіцца налівам на суднах, і ўсталяванне строгай адказнасці за ўсе формы забруджвання нафтай.

Канвенцыя прымяняецца выключна да ўрону ад забруджвання, прычыненага на тэрыторыі дзяржавы-ўдзельніцы ў яе тэрытарыяльным моры і ў выключнай эканамічнай зоне дзяржавы-ўдзельніцы.

Згодна з Канвенцыяй, уласнік судна з моманту інцыдэнту нясе адказнасць за ўрон ад забруджвання, прычынены бункерным палівам, якое знаходзіцца на судне або крыніцай якога з’яўляецца судна, а калі інцыдэнт складаецца з шэрагу здарэнняў аднаго і таго ж паходжання, то ўласнік судна нясе адказнасць з моманту першага з такіх здарэнняў.

Рэспубліка Беларусь прымае на сябе міжнародна-прававыя абавязацельствы па кантролі за наяўнасцю ў аператараў суднаў пад сцягам Рэспублікі Беларусь сапраўднага пасведчання ці іншай гарантыі, якая пакрывае магчымы ўрон ад забруджвання бункернам палівам, а таксама па выдачы адпаведнага пасведчання.