«Аб ратыфікацыі Крэдытнага пагаднення (Праект рэканструкцыі «Аўтамабільная дарога Р-80 Слабада — Паперня, км 0,000 — км 14,770», уключаючы распрацоўку напрамкаў удасканалення сістэмы кіравання дарожнай гаспадаркай) паміж Рэспублікай Беларусь і Еўрапейскім банкам рэканструкцыі і развіцця»
Суб'ект права заканадаўчай ініцыятывы: Савет МіністраўУваходны нумар: 5302
2 кастрычніка 2018 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Крэдытнага пагаднення (Праект рэканструкцыі «Аўтамабільная дарога Р-80 Слабада — Паперня, км 0,000 — км 14,770», уключаючы распрацоўку напрамкаў удасканалення сістэмы кіравання дарожнай гаспадаркай) паміж Рэспублікай Беларусь і Еўрапейскім банкам рэканструкцыі і развіцця».
Гэта Крэдытнае пагадненне паміж Рэспублікай Беларусь і Еўрапейскім банкам рэканструкцыі і развіцця было падпісана 27 сакавіка 2018 года ў горадзе Лондане.
Прыцягненне ў рамках дасягнутых дамоўленасцей пазыкі Еўрапейскага банка рэканструкцыі і развіцця ў памеры 42 450 000 еўра дасць магчымасць выканаць рэканструкцыю ўчастка аўтадарогі Р-80 Слабада — Паперня працягласцю 14,77 км. Пасля заканчэння рэканструкцыі гэта траса павінна адпавядаць I катэгорыі аўтамабільных дарог, што будзе з'яўляцца завяршальным этапам будаўніцтва Другой кальцавой аўтамабільнай дарогі вакол г. Мінска.
Разам з гэтым Еўрапейскі банк рэканструкцыі і развіцця выказаў згоду на прадастаўленне фінансавай дапамогі за кошт сродкаў фондаў тэхнічнага супрацоўніцтва, прадастаўленых донарамі, у выглядзе грантаў у памеры да 500 000 еўра. Гэтыя сродкі выдзяляюцца для аказання дапамогі на распрацоўку напрамкаў удасканалення сістэмы кіравання дарожнай гаспадаркай. Мяркуецца правесці аналіз структуры кіравання і распрацаваць План мерапрыемстваў па ўдасканаленні структуры кіравання дарожнай гаспадаркай.
Практычная рэалізацыя Пагаднення дасць магчымасць удасканаліць работу дарожнага сектара Рэспублікі Беларусь, рэалізаваць канкрэтныя меры па мадэрнізацыі транспартнай інфраструктуры.
Камісія, у якой разглядаецца законапраект: камісія па эканамічнай палітыцы
Адказны дэпутат: Качына Леанід Іванавіч
Адказны работнік Сакратарыята:
Афанасьеў Ян Віктаравіч — галоўны саветнік аддзела па падрыхтоўцы законапраектаў і ўзаемадзеянні з Пастаяннай камісіяй па эканамічнай палітыцы
Нікалаева Наталля Валер'еўна — саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй па эканамічнай палітыцы
2. Адно чытанне
Пасяджэнне Палаты прадстаўнікоў: 02.10.2018 2 кастрычніка 2018 года, адкрыццё пятай сесіі, першае пасяджэнне Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў адным чытанні