«Аб ратыфікацыі Пагаднення аб гандлёва-эканамічным супрацоўніцтве паміж Еўразійскім эканамічным саюзам і яго дзяржавамі-членамі, з аднаго боку, і Кітайскай Народнай Рэспублікай, з другога боку»
Суб'ект права заканадаўчай ініцыятывы: Савет МіністраўУваходны нумар: 6639
18 снежня 2018 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пагаднення аб гандлёва-эканамічным супрацоўніцтве паміж Еўразійскім эканамічным саюзам і яго дзяржавамі-членамі, з аднаго боку, і Кітайскай Народнай Рэспублікай, з другога боку».
Законапраектам прапануецца ратыфікаваць Пагадненне аб гандлёва-эканамічным супрацоўніцтве паміж Еўразійскім эканамічным саюзам і яго дзяржавамі-членамі, з аднаго боку, і Кітайскай Народнай Рэспублікай, з другога боку (далей — Пагадненне), якое было падпісана ў г. Астане 17 мая 2018 года ў мэтах стварэння асновы для далейшага развіцця эканамічных адносін паміж бакамі шляхам забеспячэння супрацоўніцтва ў сферах, якія ахоплівае гэтае Пагадненне, і спрашчэння ўзаемадзеяння паміж бакамі.
Аб’ём Пагаднення складае 13 глаў. У яго ўвайшлі палажэнні нацыянальнага рэжыму і рэжыму найбольшага спрыяння. Змест Пагаднення фарміруе правілы гандлю, заснаваныя на нормах ВГА. У тэксце закладзены напрамкі і зададзены прававыя рамкі для далейшага ўзаемадзеяння Еўразійскага эканамічнага саюза (далей — ЕАЭС) і яго дзяржаў з Кітайскай Народнай Рэспублікай (далей — КНР) у такіх сферах, як меры гандлёвай абароны, санітарна-фітасанітарныя меры, тэхнічныя бар’еры ў гандлі, мытнае супрацоўніцтва, электронны гандаль, інтэлектуальная ўласнасць, дзяржаўныя закупкі, канкурэнцыя і інш. Асаблівы акцэнт зроблены на механізме транспарэнтнасці і прынцыпах супрацоўніцтва.
У главе 1 Пагаднення бакамі вызначаецца мэта дамоўленасцей: «стварэнне асновы для далейшага развіцця эканамічных адносін шляхам забеспячэння супрацоўніцтва і спрашчэння ўзаемадзеяння». У гэтайглаве змяшчаюцца таксама агульныя паняцці, пытанні тэрытарыяльнага прымянення, правядзення кансультацый, віды рэжымаў,якія ўжываюцца, і выключэнняў.
Пагадненне з’яўляецца непрэферэнцыяльным і не прадугледжвае аўтаматычнага зніжэння тарыфных бар’ераў паміж бакамі. Тым не менш на аснове наяўных норм па спрашчэнні гандлёвых працэдур яно ў пэўнай ступені дазволіць палепшыць умовы доступу тавараў на рынак Кітая.
Важнымі з’яўляюцца артыкулы главы 7 гэтага Пагаднення «Інтэлектуальная ўласнасць», палажэнні якіх накіраваны на абарону інтарэсаў праваўладальнікаў таварных знакаў і знакаў абслугоўвання, барацьбу з гандлем кантрафактнай прадукцыяй.
У Пагадненні прадугледжаны інстытуцыйныя палажэнні, якімі замацаваны нормы аб заснаванні Сумеснай камісіі, яе абавязках і правах. У прыватнасці, у адпаведнасці з артыкулам 12.1 Главы 12 гэтага Пагаднення прадугледжваецца стварэнне Сумеснай камісіі пад старшынствам двух прадстаўнікоў — адзін ад ЕАЭС і дзяржаў-членаў ЕАЭС, які прадстаўлены членам Калегіі ЕЭК, другі – ад Урада КНР, які прадстаўлены на ўзроўні міністра ці яго ўпаўнаважаных прадстаўнікоў. У функцыі дадзенай камісіі будуць уваходзіць: кантроль за работай падкамітэтаў; разгляд любой прапановы, прадстаўленай падкамітэтамі, для ўнясення змяненняў у гэтае Пагадненне з мэтай прыняцця рэкамендацый і інш. Да Пагаднення прыкладаюцца Правілы працэдуры Сумеснай камісіі.
Дадзены міжнародны дагавор змяшчае шэраг палажэнняў, якія накіраваны на стымуляванне інфармацыйнага абмену і развіццё адміністрацыйнага супрацоўніцтва паміж адказнымі органамі бакоў (у фармаце стварэння рабочых груп і кансультатыўных камітэтаў).
Камісія, у якой разглядаецца законапраект: камісія па міжнародных справах
Адказны дэпутат: Хішчанка Анатолій Пятровіч
Адказны работнік Сакратарыята:
Кісель Марына Евстафьевна — галоўны саветнік аддзела па падрыхтоўцы законапраектаў і ўзаемадзеянні з Пастаяннай камісіяй па міжнародных справах
2. Адно чытанне
Пасяджэнне Палаты прадстаўнікоў: 18.12.2018 18 снежня 2018 года, восьмае пасяджэнне пятай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў адным чытанні