«Аб ратыфікацыі Пагаднення аб узаемадзеянні дзяржаў — удзельніц СНД па забеспячэнні гатоўнасці на выпадак ядзернай аварыі або ўзнікнення радыяцыйнай аварыйнай сітуацыі і ўзаемадапамогі пры ліквідацыі іх наступстваў»
Суб'ект права заканадаўчай ініцыятывы: Савет МіністраўУваходны нумар: 2142
13 чэрвеня 2019 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пагаднення аб узаемадзеянні дзяржаў — удзельніц СНД па забеспячэнні гатоўнасці на выпадак ядзернай аварыі або ўзнікнення радыяцыйнай аварыйнай сітуацыі і ўзаемадапамогі пры ліквідацыі іх наступстваў» (далей — праект Закона), унесены ў Палату прадстаўнікоў Саветам Міністраў Рэспублікі Беларусь.
Праектам Закона прадугледжваецца ратыфікацыя Пагаднення аб узаемадзеянні дзяржаў — удзельнікаў СНД па забеспячэнні гатоўнасці на выпадак ядзернай аварыі або ўзнікнення радыяцыйнай аварыйнай сітуацыі і ўзаемадапамогі пры ліквідацыі іх наступстваў (далей — Пагадненне), падпісанага ў г. Астане 2 лістапада 2018 года сямю дзяржавамі — удзельніцамі СНД у мэтах забеспячэння эфектыўнага выканання дзяржавамі — удзельніцамі сваіх абавязацельстваў па Канвенцыі аб аператыўным абвяшчэнні аб ядзернай аварыі ад 26 верасня 1986 года і Канвенцыі аб дапамозе ў выпадку ядзернай або радыяцыйнай аварыйнай сітуацыі ад 26 верасня 1986 года.
Заключэнне і рэалізацыя Пагаднення дазволяць урэгуляваць асноўныя пытанні ў сферы ўдасканальвання дагаворна-прававой базы супрацоўніцтва дзяржаў — удзельніц СНД у вобласці забеспячэння бяспекі выкарыстання атамнай энергіі ў мірных мэтах. У прыватнасці, урэгуляваць пытанні:
прыняцця ўсебаковых мер па прадухіленні ядзерных аварый і звядзення да мінімуму іх наступстваў;
аператыўнага прадстаўлення інфармацыі і дапамогі ў выпадку ўзнікнення ядзернай аварыі або ўзнікнення радыяцыйнай аварыйнай сітуацыі ў мэтах мінімізацыі трансгранічных радыяцыйных наступстваў;
спрашчэння працэдур перамяшчэння спецыялізаваных аварыйна-выратавальных фарміраванняў, абсталявання, транспартных сродкаў і матэрыялаў, якія выкарыстоўваюцца ў якасці тэхнічнага аснашчэння гэтых фарміраванняў;
забеспячэння ядзернай і радыяцыйнай бяспекі, а таксама мінімізацыі адмоўных наступстваў для здароўя насельніцтва і навакольнага асяроддзя, звязаных з выкарыстаннем атамнай энергіі ў мірных мэтах.
Рэалізацыя Пагаднення акажа значны ўплыў на развіццё і ўдасканальванне сістэмы абароны насельніцтва і тэрыторый дзяржаў — удзельніц СНД, дазволіць ва многім спрасціць парадак узгаднення пытанняў, якія ўзнікаюць у сферы абароны насельніцтва і тэрыторый дзяржаў — удзельніц СНД пры ядзернай аварыі або ўзнікненні радыяцыйнай аварыйнай сітуацыі, павысіць аператыўнасць выканання мерапрыемстваў па іх ліквідацыі.
Камісія, у якой разглядаецца законапраект: камісія па пытаннях экалогіі, прыродакарыстання і чарнобыльскай катастрофы
Адказны дэпутат: Кралевіч Ірына Мікалаеўна
Адказны работнік Сакратарыята:
Мацукевіч Міхаіл Паўлавіч — загадчык аддзела па падрыхтоўцы законапраектаў і ўзаемадзеянні з Пастаяннай камісіяй па пытаннях экалогіі, прыродакарыстання і чарнобыльскай катастрофы
2. Адно чытанне
Пасяджэнне Палаты прадстаўнікоў: 13.06.2019 13 чэрвеня 2019 года, шостае пасяджэнне шостай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў адным чытанні