«Аб ратыфікацыі Пагаднення паміж Урадам Рэспублікі Беларусь і Урадам Грузіі аб сістэме садзейнічання ўзаемнаму гандлю»
Суб'ект права заканадаўчай ініцыятывы: Савет МіністраўУваходны нумар: 1816
19 красавіка 2018 года прыняты праект Закона Рэспублікі Беларусь «Аб ратыфікацыі Пагаднення паміж Урадам Рэспублікі Беларусь і Урадам Грузіі аб сістэме садзейнічання ўзаемнаму гандлю», унесены Саветам Міністраў Рэспублікі Беларусь.
Пагадненне паміж Урадам Рэспублікі Беларусь і Урадам Грузіі аб сістэме садзейнічання ўзаемнаму гандлю (далей — Пагадненне) падпісана ў г. Мінску 16 лістапада 2017 года.
У адпаведнасці з Пагадненнем мытныя органы дзяржаў бакоў у рамках сістэмы садзейнічання ўзаемнаму гандлю будуць абменьвацца інфармацыяй аб перамяшчэнні тавараў і транспартных сродкаў. Пагадненнем прадугледжваецца прыярытэтны парадак афармлення ў пунктах пропуску, спрашчэнне мытных фармальнасцей, дзе гэта магчыма, уключаючы вылучэнне асобных палос у мэтах скарачэння часу афармлення, а таксама непрымяненне мытнага надгляду, за выключэннем выпадкаў наяўнасці адзнак мытных правапарушэнняў, кантрабанды, адмывання грошаў або ажыццяўлення надгляду на падставе сістэмы кіравання рызыкамі.
Камісія, у якой разглядаецца законапраект: камісія па дзяржаўным будаўніцтве, мясцовым самакіраванні і рэгламенце
Адказны дэпутат: Ткачук Анатолій Уладзіміравіч
Адказны работнік Сакратарыята:
Корзун Таццяна Эдуардаўна — загадчык аддзела па падрыхтоўцы законапраектаў і ўзаемадзеянні з Пастаяннай камісіяй па дзяржаўным будаўніцтве, мясцовым самакіраванні і рэгламенце
2. Адно чытанне
Пасяджэнне Палаты прадстаўнікоў: 19.04.2018 19 красавіка 2018 года, другое пасяджэнне чацвёртай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў адным чытанні