«Аб ратыфікацыі Пагаднення паміж Урадам Рэспублікі Беларусь і Урадам Рэспублікі Польшча аб утрыманні пагранічных дарожных маставых аб'ектаў на беларуска-польскай дзяржаўнай мяжы »

23 мая 2019 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пагаднення паміж Урадам Рэспублікі Беларусь і Урадам Рэспублікі Польшча аб утрыманні пагранічных дарожных маставых аб’ектаў на беларуска-польскай дзяржаўнай мяжы», унесены Саветам Міністраў Рэспублікі Беларусь.

Пагадненне падпісана 27 чэрвеня 2018 года ў г. Брэсце Міністрам транспарту і камунікацый Рэспублікі Беларусь Сіваком А.А. і Міністрам інфраструктуры Рэспублікі Польшча Анджэем Адамчыкам на падставе Указа Прэзідэнта Рэспублікі Беларусь ад 14 лiстапада 2017 г. № 409 «Аб праекце міжнароднай дамовы».

Дадзенае Пагадненне прапануецца наўзамен цяпер дзеючага Пагаднення паміж Міністэрствам будаўніцтва і эксплуатацыі аўтамабільных дарог Рэспублікі Беларусь і Генеральнай дырэкцыяй аўтамабільных дарог Рэспублікі Польшча ад 18 мая 1993 года.

Асаблівасць пагранічных мастоў складаецца ў тым, што ад іх тэхнічнага стану напрамую залежыць функцыянаванне пунктаў пропуску праз Дзяржаўную мяжу Рэспублікі Беларусь.

Прапанаванае Пагадненне заклікана забяспечыць аптымізацыю дарожнага руху паміж Рэспублікай Беларусь і Рэспублікай Польшча шляхам арганізацыі сумеснага ўтрымання пагранічных мастоў на агульных участках дзяржаўнай мяжы, па месцы размяшчэння пунктаў пропуску праз Дзяржаўную мяжу.

Пагадненне дасць магчымасць урэгуляваць пытанні ўтрымання пагранічных мастоў на агульных участках дзяржаўнай мяжы і забяспечыць належнае іх утрыманне і, як следства, бяспеку дарожнага руху паміж абедзвюма дзяржавамі.