«Аб ратыфікацыі Пагаднення паміж Урадам Рэспублікі Беларусь і Урадам Сірыйскай Арабскай Рэспублікі аб супрацоўніцтве ў галіне вышэйшай і паслявузаўскай адукацыі»
Суб'ект права заканадаўчай ініцыятывы: Савет МіністраўУваходны нумар: 667
4 чэрвеня 2020 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пагаднення паміж Урадам Рэспублікі Беларусь і Урадам Сірыйскай Арабскай Рэспублікі аб супрацоўніцтве ў сферы вышэйшай і паслявузаўскай адукацыі», унесены Саветам Міністраў Рэспублікі Беларусь 12 лютага 2020 года.
Пагадненне распрацавана ў мэтах актуалізацыі дагаворна-прававой базы супрацоўніцтва паміж Рэспублікай Беларусь і Сірыйскай Арабскай Рэспублікай у сферы адукацыі і падпісана ў г. Дамаску 19 верасня 2019 года ў рамках дзелавога візіту прадстаўнікоў беларускіх устаноў адукацыі ў Сірыйскую Арабскую Рэспубліку.
Пагадненне вызначае асноўныя напрамкі супрацоўніцтва ў сферы вышэйшай і паслявузаўскай адукацыі: атрыманне адукацыі грамадзянамі Беларусі і Сірыі, абмен візітамі педагагічных работнікаў і навучэнцаў, вывучэнне мовы і культуры ў вышэйшых навучальных установах абедзвюх краін, развіццё прамых кантактаў паміж вышэйшымі навучальнымі ўстановамі.
Дакументам замацоўваецца парадак ажыццяўлення візітаў педагагічных работнікаў, абмену навучэнцамі першай і другой ступеняў вышэйшай адукацыі і першай ступені паслявузаўскай адукацыі. Усталяваны аб’ём абавязацельстваў бакоў па прыёме ўдзельнікаў абменаў, вызначаны парадак фінансавання расходаў на навучанне/стажыроўку, выплату стыпендый, пражыванне і медыцынскае абслугоўванне навучэнцаў, а таксама аплаты выдаткаў на праезд і знаходжанне ўдзельнікаў візітаў.
Дзеянне Пагаднення не распаўсюджваецца на ўстановы вышэйшай адукацыі, у якіх ажыццяўляецца падрыхтоўка кадраў для ўзброеных сіл, органаў і падраздзяленняў па надзвычайных сітуацыях дзвюх краін, а таксама на ўстанову адукацыі «Беларускі дзяржаўны ўніверсітэт фізічнай культуры».
Рэалізацыя Пагаднення не прывядзе да негатыўных наступстваў фінансавага, эканамічнага і палітычнага характару.
Ратыфікацыя і ўступленне ў сілу Пагаднення будуць спрыяць пашырэнню і паглыбленню беларуска-сірыйскага ўзаемадзеяння ў адукацыйнай сферы.
Камісія, у якой разглядаецца законапраект: камісія па адукацыі, культуры і навуцы
Адказны дэпутат: Злотнікаў Андрэй Анатольевіч
Адказны работнік Сакратарыята:
Гамеза Валерый Валяр’янавіч — загадчык аддзела па падрыхтоўцы законапраектаўіўзаемадзеянні з Пастаяннай камісіяй паадукацыі, культурыі навуцы
2. Адно чытанне