«Аб ратыфікацыі Пратакола аб унясенні змяненняў у Пагадненне паміж Урадам Рэспублікі Беларусь і Урадам Расійскай Федэрацыі аб мерах па урэгуляванні гандлёва-эканамічных адносін у галіне экспарту нафты і нафтапрадуктаў ад 12 студзеня 2007 г.»
Суб'ект права заканадаўчай ініцыятывы: Савет МіністраўУваходны нумар: 4244
10 кастрычніка 2019 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пратакола аб унясенні змяненняў у Пагадненне паміж Урадам Рэспублікі Беларусь і Урадам Расійскай Федэрацыі аб мерах па ўрэгуляванні гандлёва-эканамічнага супрацоўніцтва ў галіне экспарту нафты і нафтапрадуктаў ад 12 студзеня 2007 г.», унесены Саветам Міністраў Рэспублікі Беларусь.
Пратакол аб унясенні змяненняў у Пагадненне паміж Урадам Рэспублікі Беларусь і Урадам Расійскай Федэрацыі аб мерах па ўрэгуляванні гандлёва-эканамічнага супрацоўніцтва ў галіне экспарту нафты і нафтапрадуктаў ад 12 студзеня 2007 г. (далей — Пратакол і Пагадненне адпаведна) падпісаны 10 кастрычніка 2018 г. у г. Маскве.
У рамках
Пратакола з 1 лістапада 2018 г. прадугледжваецца ўвядзенне забароны на вываз з
Расійскай Федэрацыі ў Рэспубліку Беларусь расійскіх нафты і іншых тавараў
згодна з Пералікам кодаў тавараў
ТН ЗЭД ЕАЭС, прыведзеных у дадатку да Пагаднення, за выключэннем нафты сырой і нафтапрадуктаў у аб’ёмах, прадугледжаных індыкатыўнымі балансамі, і тавараў у аб’ёмах, прадугледжаных пратаколамі, згодна пунктамі 3 і 6 артыкула 1 Пагаднення.
Індыкатыўныя балансы нафтапрадуктаў, у сваю чаргу, складаюцца па бензіну аўтамабільнаму, дызельнаму паліву і мазуту топачнаму. Па шэрагу іншых тавараў Пратаколам прадугледжваецца ўзгадненне кампетэнтнымі органамі дзвюх дзяржаў да 1 кастрычніка кожнага года на наступны каляндарны год пратаколаў з указаннем віду і колькасці тавараў, прызначаных для задавальнення ўнутраных патрэбаў Рэспублікі Беларусь.
Мытныя органы Расійскай Федэрацыі пры дэклараванні тавараў, прадугледжаных індыкатыўнымі балансамі і пратаколамі, узгодненымі кампетэнтнымі органамі бакоў (за выключэннем тавараў, што перамяшчаюцца трубаправодным транспартам), кіруюцца прадстаўленым кампетэнтнымі органамі Рэспублікі Беларусь пералікам суб’ектаў прадпрымальніцкай дзейнасці, якія з’яўляюцца атрымальнікамі тавараў у Рэспубліцы Беларусь, і аб’ёмаў прызначаных да атрымання тавараў.
У цяперашні час практычныя пытанні рэалізацыі Пратакола ўрэгуляваны Палажэннем аб узаемадзеянні дзяржаўных органаў і іншых арганізацый пры падрыхтоўцы дакументаў для забеспячэння вывазу нафтапрадуктаў з Расійскай Федэрацыі, зацверджаным пастановай Савета Міністраў Рэспублікі Беларусь ад 18 ліпеня 2019 г. № 471.
У цэлым рэалізацыя палажэнняў Пратакола мае станоўчы эканамічны эфект для нашай дзяржавы як з пункту гледжання наяўнасці дакладных і празрыстых умоў паставак нафтапрадуктаў, так і абароны ўнутранага рынку і айчынных прадпрыемстваў гэтай сферы.
Камісія, у якой разглядаецца законапраект: камісія па эканамічнай палітыцы
Адказны дэпутат: Сокал Аляксей Мікалаевіч
Адказны работнік Сакратарыята:
Нікалаева Наталля Валер'еўна — саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй па эканамічнай палітыцы
2. Адно чытанне
Пасяджэнне Палаты прадстаўнікоў: 10.10.2019 10 кастрычніка 2019 года, другое пасяджэнне сёмай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў адным чытанні