«Аб змяненні законаў»
Суб'ект права заканадаўчай ініцыятывы: Савет МіністраўУваходны нумар: 2361
26 чэрвеня 2019 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб змяненні законаў».
Праектам Закона
прадугледжваецца рэалізацыя рашэнняў Канстытуцыйнага Суда Рэспублікі Беларусь
ад 10 ліпеня 2014 г.
№ Р-945/2014 «Аб прававым рэгуляванні памеру аплаты часу вымушанага прагулу
работніку, які адноўлены на ранейшай працы» і ад 18 верасня
2014 г. № Р-946/2014 «Аб паняцці «адзінокая маці» ў працоўных праваадносiнах»,
а таксама імплементацыя ў Працоўны кодэкс палажэнняў дэкрэтаў Прэзідэнта Рэспублікі
Беларусь ад 26 лiпеня 1999 г.
№ 29
«Аб дадатковых мерах па ўдасканаленні працоўных адносінаў, умацаванні працоўнай
і выканальніцкай дысцыпліны» і ад 15 снежня 2014 г. № 5
«Аб узмацненні патрабаванняў да кіруючых кадраў і работнікаў арганізацый».
Акрамя таго, прадугледжваецца карэкціроўка законаў
Рэспублікі Беларусь «Аб дзяржаўнай службе ў Рэспубліцы Беларусь» і «Аб пажарнай
бяспецы», а таксама Кодэкса Рэспублікі Беларусь аб адукацыі.
Праектам Закона прапануецца:
удакладніць існуючую практыку замены водпуску грашовай кампенсацыяй, парадак інфармавання работніка, які ідзе ў адпачынак не па графіку, пра пачатак працоўнага водпуску; парадак выплаты грашовай кампенсацыі за частку нявыкарыстанага працоўнага водпуску ў сувязі з адкліканнем з адпачынку;
дапоўніць пералік выпадкаў, пры наступленні якіх бацька ці іншы сваяк, член сям’і дзіцяці, якія працуюць, будуць мець замест маці права на водпуск па доглядзе дзіцяці да дасягнення ім узросту 3 гадоў;
увесці новы артыкул, які прадугледжвае прадастаўленне абавязковага сацыяльнага водпуску бацькам нованароджаных дзяцей;
вызначыць, што дадатковая праца можа ажыццяўляцца ў выглядзе сумяшчэння пасады служачага (прафесіі рабочага), пашырэння зон абслугоўвання (павелічэння аб’ёму работ), выканання абавязкаў часова адсутнага работніка;
упарадкаваць заключэнне тэрміновых працоўных дагавораў, пашырыць пералік суб’ектаў, якія могуць заключаць з работнікамі тэрміновыя працоўныя дагаворы па пагадненні бакоў;
усталяваць новы від часовага пераводу — перавод на іншую працу, у тым ліку да іншага наймальніка, са згоды работніка на тэрмін да шасці месяцаў на працягу каляндарнага года;
месячны тэрмін папярэджання работніка аб змяненні істотных умоў працы;
дапоўніць Працоўны кодэкс главой, якая вызначае асаблівасці рэгулявання працы работнікаў, якія ажыццяўляюць дыстанцыйную працу;
усталяваць новы падыход да распаўсюджвання дзеяння калектыўнага дагавора на работнікаў і вызначыць пералік пытанняў калектыўнага дагавора, якія павінны прымяняцца ў дачыненні да ўсіх работнікаў арганізацыі, незалежна ад таго, з’яўляюцца яны членамі прафсаюза ці не.
Законапраектам прадугледжваецца прадаўжэнне з работнікам, які не дапускае парушэнняў выканальніцкай і працоўнай дысцыпліны, кантракта ў межах пяцігадовага тэрміну яго дзеяння да заканчэння максімальнага тэрміну яго дзеяння, а заключэнне новага кантракта з такім работнікам будзе ажыццяўляцца на тэрмін не меншы за тры гады. На меншыя тэрміны будуць працягвацца і заключацца новыя кантракты толькі з пісьмовай згоды работніка.
Камісія, у якой разглядаецца законапраект: камісія па працы і сацыяльных пытаннях
Адказны дэпутат: Шылаў Віталій Пятровіч
Адказны работнік Сакратарыята:
Гошка Валянціна Уладзіміраўна – загадчык адзелам па забеспячэнні дзейнасці Пастаяннай камісіі па працы і сацыяльных пытаннях
2. Першае чытанне
Пасяджэнне Палаты прадстаўнікоў: 29.06.2018 29 чэрвеня 2018 года, дзясятае пасяджэнне чацвёртай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў першым чытанні
3. Другое чытанне
Пасяджэнне Палаты прадстаўнікоў: 26.06.2019 26 чэрвеня 2019 года, восьмае пасяджэнне шостай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў другім чытанні