«Аб змяненні Кодэкса Рэспублікі Беларусь аб адміністрацыйных правапарушэннях»
Суб'ект права заканадаўчай ініцыятывы: Савет МіністраўУваходны нумар: 1268
16 мая 2019 года Палатай прадстаўнікоў Нацыянальнага сходу Рэспублікі Беларусь прыняты ў першым чытанні праект Закона Рэспублікі Беларусь «Аб унясенні змянення ў Кодэкс Рэспублікі Беларусь аб адміністрацыйных правапарушэннях», унесены Саветам Міністраў Рэспублікі Беларусь.
Законапраект распрацаваны ў мэтах узмацнення кантролю за рэалізацыяй стратэгічна важных для эканомікі краіны сыравіны і тавараў.
У гэтай сувязі законапраектам прадугледжваецца ўвядзенне адміністрацыйнай адказнасці службовай асобы юрыдычнай асобы або індывідуальнага прадпрымальніка:
за парушэнне патрабавання аб абавязковым заключэнні здзелкі на біржавых таргах таварнай біржы ў выглядзе папярэджання. Паўторнае парушэнне прадугледжвае штраф у памеры да 50 базавых велічынь;
за непрадстаўленне таварнай біржы звестак аб пазабіржавай здзелцы з біржавым таварам для рэгістрацыі гэтай здзелкі ва ўстаноўленых выпадках у выглядзе папярэджання. Пры паўторным парушэнні –– штраф у памеры да 30 базавых велічынь.
Уводзімая адміністрацыйная адказнасць мае, перш-наперш, папераджальны характар, а прадугледжаны памер штрафных санкцый абумоўлены неабходнасцю стварэння эканамічна нявыгадных умоў для рэалізацыі гаспадарчымі суб’ектамі стратэгічна важнай для эканомікі краіны прадукцыі па-за біржавымі таргамі без законных падстаў.
Прыняцце законапраекта акажа дысцыплінуючае ўздзеянне на гаспадарчую дзейнасць беларускіх таваравытворцаў.
Камісія, у якой разглядаецца законапраект: камісія па бюджэце і фінансах
Адказны дэпутат: Сайганава Таццяна Іванаўна
Адказны работнік Сакратарыята:
Грахоўская Валерыя Валянцінаўна — загадчык аддзела па падрыхтоўцы заканапраектаў і узаемадзеянню з Пастаяннай камісіяй па бюджэце і фінансах
2. Першае чытанне
Пасяджэнне Палаты прадстаўнікоў: 16.05.2019 16 мая 2019 года, трэцяе пасяджэнне шостай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў першым чытанні
3. Спынены разгляд (законапраект увайшоў у склад іншай / іншых законапраектаў)
Законапраекты, у якія ўвайшоў бягучы законапраект:
— «Аб змяненні кодэксаў» (увах. № 1016)