Аб унясенні змяненняў і дапаўненняў у Закон Рэспублікі Беларусь «Аб Нацыянальнай акадэміі навук Беларусі»
Суб'ект права заканадаўчай ініцыятывы: Савет МіністраўУваходны нумар: 2962
23 лістапада 2017 года прыняты праект Закона Рэспублікі Беларусь «Аб унясенні змяненняў і дапаўненняў у Закон Рэспублікі Беларусь «Аб Нацыянальнай акадэміі навук Беларусі», унесены Саветам Міністраў Рэспублікі Беларусь. Праект Закона накіраваны на прывядзенне Закона Рэспублікі Беларусь «Аб Нацыянальнай акадэміі навук Беларусі» (далей — Закон) у адпаведнасць са Статутам Нацыянальнай акадэміі навук Беларусі, зацверджаным Указам Прэзідэнта Рэспублікі Беларусь ад 3 лютага 2003 г. № 56, апошнія змяненні і дапаўненні ў які былі унесены ў 2016 годзе. У прыватнасці, удакладняецца склад Нацыянальнай акадэміі навук Беларусі і яе Прэзідыума, асноўныя задачы і напрамкі дзейнасці Акадэміі навук, прававы статус яе арганізацый.
Закон таксама прыводзіцца ў адпаведнасць з Указам Прэзідэнта Рэспублікі Беларусь ад 16 кастрычніка 2017 г. № 376 «Аб мерах па ўдасканаленні кантрольнай (нагляднай) дзейнасці». У сувязі з тым, што Нацыянальная акадэмія навук Беларусі выключаецца з пераліку кантралюючых (наглядных) органаў, спатрэбілася карэкціроўка артыкулаў 3 і 9 Закона, якія тычацца ажыццяўлення Нацыянальнай акадэміяй навук Беларусі кантролю за эфектыўным выкарыстаннем дзяржаўных сродкаў, што выдзяляюцца на фінансаванне фундаментальных і прыкладных навуковых даследаванняў і распрацовак.
У цэлым, унясенне змяненняў і дапаўненняў у Закон Рэспублікі Беларусь «Аб Нацыянальнай акадэміі навук Беларусі» з’яўляецца актуальным і своечасовым, адпавядае прынятым Кіраўніком дзяржавы заканадаўчым актам і дазволіць Акадэміі навук больш эфектыўна выконваць ускладзеныя на яе задачы.
Камісія, у якой разглядаецца законапраект: камісія па адукацыі, культуры і навуцы
Адказны дэпутат: Каляснёва Алена Пятроўна
Адказны работнік Сакратарыята:
Бірукоў Павел Маратавіч – галоўны саветнік аддзела па падрыхтоўцы законапраектаў і ўзаемадзеянні з Пастаяннай камісіяй па адукацыі, культуры і навуцы
2. Першае чытанне
Пасяджэнне Палаты прадстаўнікоў: 02.10.2017 2 кастрычніка 2017 года, адкрыццё трэццяй сесіі, першае пасяджэнне Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў першым чытанні
3. Другое чытанне
Пасяджэнне Палаты прадстаўнікоў: 23.11.2017 23 лістапада 2017 года, пятае пасяджэнне трэццяй сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў другім чытанні