Рус Бел En
Галоўная / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў

«Аб змяненні кодэксаў»

Суб'ект права заканадаўчай ініцыятывы: Савет Міністраў
Уваходны нумар: 5764
Мова законапраекта: Русский
Апісанне законапраекта

25 чэрвеня 2020 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб змяненні кодэксаў».

Названы праект Закона аб’яднаў у сабе нормы двух законапраектаў, унесеных у Палату прадстаўнікоў Саветам Міністраў Рэспублікі Беларусь, — праекта Закона Рэспублікі Беларусь «Аб змяненні кодэксаў» (па пытаннях электроннага судаводства) і праекта Закона Рэспублікі Беларусь «Аб змяненні кодэксаў па пытаннях выплаты дзяржаўнай пошліны». Кожны з гэтых законапраектаў быў распрацаваны ў мэтах выканання даручэнняў Кіраўніка дзяржавы, дадзеных 5 красавіка 2019 года па выніках нарады па пытаннях удасканальвання дзейнасці сістэмы судоў агульнай юрысдыкцыі.

Так, законапраектам прадугледжваецца карэкціроўка Гаспадарчага працэсуальнага, Грамадзянскага працэсуальнага і Крымінальна-працэсуальнага кодэксаў Рэспублікі Беларусь, накіраваная на далейшае ўкараненне сучасных інфармацыйна-камунікацыйных тэхналогій у сферу судовай дзейнасці. Праектам замацоўваецца магчымасць фіксацыі хода судовых пасяджэнняў і ўчынення асобных працэсуальных дзеянняў суда па-за пасяджэннем пры дапамозе выкарыстання сродкаў гука- або відэазапісу.

У прыватнасці, прапаноўваецца прадугледзець, што ход кожнага судовага пасяджэння і кожнага асобнага працэсуальнага дзеяння, учыненага па-за пасяджэннем (далей — асобнае працэсуальнае дзеянне), абавязкова будзе фіксавацца шляхам выкарыстання сродкаў гука- або відэазапісу. Пры гэтым будзе састаўляцца ў пісьмовай форме кароткі пратакол судовага пасяджэння або кароткі пратакол учынення асобнага працэсуальнага дзеяння.

Захоўваецца абавязковае састаўленне ў пісьмовай форме пратакола судовага пасяджэння і пратакола ўчынення асобнага працэсуальнага дзеяння ў выпадку адсутнасці тэхнічнай магчымасці весці гука- або відэазапіс. Такі пратакол будзе ўтрымліваць больш поўныя звесткі, чым кароткі пратакол.

У сувязі з гэтым устанаўліваюцца патрабаванні да зместу кароткага пратакола і так званага «поўнага» пратакола.

Таксама дадаткова замацоўваецца права асоб, якія ўдзельнічалі ў справе або ва ўчыненні асобнага працэсуальнага дзеяння, знаёміцца з гука- або відэазапісам і кароткім пратаколам, а таксама атрымліваць копію адпавяднага гука- або відэазапісу.

Прадугледжваецца магчымасць падачы асобамі, што удзельнічалі ў справе і ва ўчыненні асобнага працэсуальнага дзеяння, заўваг на гука- або відэазапіс і на адпаведны кароткі пратакол.

Пытанні азнаямлення з поўным пратаколам і падачы на яго заўваг ужо замацаваны дзеючымі кодэксамі.

Законапраектам таксама прадугледжваецца карэкціроўка Гаспадарчага працэсуальнага і Грамадзянскага працэсуальнага кодэксаў, накіраваная на аптымізацыю парадку ўплаты дзяржаўнай пошліны пры звароце ў суд, паколькі Падатковым кодэксам Рэспублікі Беларусь устаноўлена магчымасць уплаты дзяржаўнай пошліны пры дапамозе выкарыстання аўтаматызаванай інфармацыйнай сістэмы адзінай разліковай і інфармацыйнай прасторы (так званага АРІПа).

Цяпер, калі дзяржпошліна ўплачана пры дапамозе сістэмы АРІП, для пацвярджэння факта такой уплаты дастаткова будзе пры падачы заявы, скаргі, хадайніцтва паведаміць суду ўліковы нумар аперацыі (транзакцыі) у адзінай разліковай і інфармацыйнай прасторы.

Усе новаўвядзенні, прадугледжаныя законапрактам, накіраваны на павышэнне адкрытасці, даступнасці і эканамічнасці судаводства і будуць дапамагаць павышэнню ўзроўню абароны грамадзян і суб’ектаў гаспадарання.

 

Гісторыя разгледжання
Бягучая стадыя: Прыняты ў другім чытанні
Унесенне ў Палату прадстаўнікоў
Дата паступлення ў Палату прадстаўнікоў: 24.10.2019
Скліканне: Сёмае скліканне
Сесія: Першая сесія
Камісія, у якой разглядаецца законапраект: па заканадаўстве
Адказны дэпутат: Жалнерчык Людміла Мікалаеўна
Адказны работнік Сакратарыята: Колесень Ірына Уладзіміраўна — загадчык  аддзела па падрыхтоўцы законапраектаў і ўзаемадзеянні з Пастаяннай камісіяй па заканадаўстве

 


Першае чытанне Другое чытанне
Усе законапраекты
Сёмае скліканне
Навіны па тэме