Галоўная / Беларуская версія / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў

«Аб змяненні Закона Рэспублікі Беларусь «Аб Беларускім Таварыстве Чырвонага Крыжа»

Суб'ект права заканадаўчай ініцыятывы: Савет Міністраў
Уваходны нумар: 3816
Мова законапраекта: Русский
Апісанне законапраекта

10 кастрычніка 2019 года Палатай прадстаўнікоў Нацыянальнага сходу Рэспублікі Беларусь у першым чытанні прыняты праект Закона Рэспублікі Беларусь «Аб змяненні Закона Рэспублікі Беларусь «Аб Беларускім Таварыстве Чырвонага Крыжа» (далей — праект Закона), унесены ў Палату прадстаўнікоў Саветам Міністраў Рэспублікі Беларусь.

Праект Закона накіраваны на далейшае ўдасканаленне дзейнасцi Беларускага Таварыства Чырвонага Крыжа (далей — БТЧК) праз павышэнне пазнавальнасці БТЧК, павелічэнне яго задач і асноўных напрамкаў дзейнасці, пашырэнне кампетэнцыі, а таксама ўдакладненне асаблівасцяў прававога статусу.

Мэты дзейнасці БТЧК дапоўнены аказаннем садзейнічання дзяржаве ў ажыццяўленні гуманітарнай дзейнасці; сярод задач выдзелена арганізацыя навучання насельніцтва навыкам індывідуальнага дагляду дома за катэгорыямі насельніцтва, якія маюць патрэбу ў такім даглядзе, а таксама метадам аказання першай дапамогі.

Праектам уводзіцца ў дзеючы закон тэрмін «ахвяра ўзброенага канфлікту», а таксама ўдакладняюцца тэрміны «валанцёр» і «ўзброены канфлікт». Дадаткова ўрэгуляваны асаблівасці супрацоўніцтва БТЧК з юрыдычнымі асобамі і індывідуальнымі прадпрымальнікамі па пытаннях размяшчэння таварных знакаў і знакаў абслугоўвання, найменняў юрыдычных асоб і індывідуальных прадпрымальнікаў у артыкулах, якія публікуюцца БТЧК або ад яго імя, на друкаваных матэрыялах і вырабах БТЧК, а таксама іншыя пытанні.


Гісторыя разгледжання
Бягучая стадыя: Падрыхтоўка да другога чытання
Унесенне ў Палату прадстаўнікоў
Дата паступлення ў Палату прадстаўнікоў: 15.07.2019
Скліканне: Шостае скліканне
Сесія: Семая сесія
Камісія, у якой разглядаецца законапраект: па правах чалавека, нацыянальных адносінах і сродках масавай інфармацыі
Адказны дэпутат: Баранік Васілій Міхайлавіч
Адказны работнік Сакратарыята: Дабрыян Уладзімір Пятровіч — загадчык аддзелапа падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па правах чалавека, нацыянальных адносінах і сродках масавай інфармацыі
Першае чытанне
Усе законапраекты