Рус Бел Eng
Галоўная / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў
Сёмае скліканне.
Каляндар пасяджэнняў Палаты прадстаўнікоў

«Аб змяненні Закона Рэспублікі Беларусь «Аб пажарнай бяспекі»

Суб'ект права заканадаўчай ініцыятывы: Савет Міністраў
Уваходны нумар: 1877
Апісанне законапраекта

10 кастрычніка 2019 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб змяненні Закона Рэспублікі Беларусь «Аб пажарнай бяспецы» (далей — законапраект), унесены ў Палату прадстаўнікоў Саветам Міністраў Рэспублікі Беларусь.

Законапраект прапануе комплексную карэкціроўку Закона Рэспублікі Беларусь «Аб пажарнай бяспецы» (далей — Закон аб пажарнай бяспецы).

Пры падрыхтоўцы законапраекта да другога чытання ўнесены змены ў артыкул 8 Закона аб пажарнай бяспецы, якія ўдакладняюць склад сістэмы супрацьпажарнага нармавання і стандартызацыі.

У прыватнасці, прапанавана вызначыць, што сістэму супрацьпажарнага нармавання і стандартызацыі будуць утвараць патрабаванні па забеспячэнні пажарнай бяспекі, якія змяшчаюцца ў нарматыўных прававых актах (іх структурных элементах), у тым ліку абавязковых для выканання тэхнічных нарматыўных прававых актах (іх структурных элементах), і міжнародных актах (іх структурных элементах). Пры гэтым пералік нарматыўных прававых актаў (іх структурных элементаў), у тым ліку абавязковых для выканання тэхнічных нарматыўных прававых актаў (іх структурных элементаў), і міжнародных актаў (іх структурных элементаў), якія змяшчаюць патрабаванні па забеспячэнні пажарнай бяспекі, якія ўтвараюць сістэму супрацьпажарнага нармавання і стандартызацыі, будзе ўстанаўлівацца Саветам Міністраў Рэспублікі Беларусь.

Палажэнне артыкула 21 Закона аб пажарнай бяспецы ў частцы ўдакладнення абавязкаў работнікаў у галіне забеспячэння пажарнай бяспекі таксама дапрацавана да другога чытання. Прапанавана ўстанавіць, што работнікі ў галіне забеспячэння пажарнай бяспекі будуць абавязаны выконваць заканадаўства аб пажарнай бяспецы і міжнародныя акты ў частцы патрабаванняў, якія з’яўляюцца састаўной часткай іх прафесійнай дзейнасці.

Удакладнена палажэнне артыкула 34 Закона аб пажарнай бяспецы, згодна з якім патрабаванні, прадпісанні, заключэнні, вынесеныя (выдадзеныя) органамі дзяржаўнага пажарнага нагляду, могуць быць абскарджаны вышэйшым службовым асобам органаў дзяржаўнага пажарнага нагляду і (або) у судовым парадку.

У артыкуле 361 Закона аб пажарнай бяспецы ўдакладнены палажэнні, якія тычацца прадастаўлення права органам дзяржаўнага пажарнага нагляду для выканання ўскладзеных на іх абавязкаў выдаваць у адпаведнасці з заканадаўствам дакументы, якія змяшчаюць пералікі патрабаванняў у галіне пажарнай бяспекі, а таксама правы доступу на аб’екты, у дачыненні да якіх ажыццяўляюцца мерапрыемствы тэхнічнага (тэхналагічнага, праверачнага) характару, незалежна ад іх прызначэння, форм уласнасці, крыніц фінансавання пры прад’яўленні службовых пасведчанняў і рашэнняў аб ажыццяўленні мерапрыемстваў тэхнічнага (тэхналагічнага, праверачнага) характару, а ў адносінах да аб’ектаў, доступ на якія абмежаваны ў адпаведнасці з заканадаўствам, — і іншых дакументаў, прадугледжаных заканадаўствам для допуску на такія аб’екты.

Законапраект прадугледжвае іншыя карэкціроўкі Закона аб пажарнай бяспецы з улікам практыкі яго правапрымянення.

У выніку прыняцця гэтага законапраекта з’явіцца дакладны падзел у прававым рэгуляванні дзейнасці па папярэджанні і тушэнні пажараў у Рэспубліцы Беларусь.

Інфармацыя аб законапраекце
Бягучая стадыя: Прыняты ў другім чытанні

Камісія, у якой разглядаецца законапраект: камісія па пытаннях экалогіі, прыродакарыстання і чарнобыльскай катастрофы

Адказны дэпутат: Улаховіч Мікалай Дзмітрыевіч


Адказны работнік Сакратарыята:
Макарэвіч Аксана Яўгенаўна — саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў Нацыянальнага сходу Рэспублікі Беларусь па пытаннях экалогіі, прыродакарыстання і чарнобыльскай катастрофы

 


Гісторыя разгледжання
1. Унясенне ў Палату прадстаўнікоў
Дата паступлення ў Палату прадстаўнікоў: 11.04.2019
Сесія: Шостая сесія

2. Першае чытанне
3. Другое чытанне
Усе законапраекты

220010, Рэспубліка Беларусь, г. Мінск, вул. Савецкая, 11

Аддзел па арганізацыі работы з дакументамі
Тэл. (017) 222 32 62
Факс: (017) 327 37 84
E-mail: kc1@house.gov.by

Аддзел па рабоце са зваротамі грамадзян і юрыдычных асоб
Тэл. (017) 222 62 52
          (017) 222 63 58
E-mail: letters@house.gov.by

Накіраваць электронны зварот на адрас Палаты прадстаўнікоў Нацыянальнага сходу Рэспублікі Беларусь і яе Cакратарыята вы можаце тут

Тэл. (017) 222 64 75
Факс: (017) 222 32 13
E-mail: inform@house.gov.by