Галоўная / Беларуская версія / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў

«Аб ратыфікацыі Пагаднення аб унясенні змяненняў у Пагадненне паміж Урадам Рэспублікі Беларусь і Урадам Чарнагорыі аб узаемных паездках грамадзян ад 30 верасня 2009 года»

Суб'ект права заканадаўчай ініцыятывы: Савет Міністраў
Уваходны нумар: 1125
Мова законапраекта: Русский
Апісанне законапраекта

23 мая 2019 года  Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пагаднення аб унясенні змяненняў у Пагадненне паміж Урадам Рэспублікі Беларусь і Урадам Чарнагорыі аб узаемных паездках грамадзян ад 30 верасня 2009 года».

Законапраектам прапануецца ратыфікаваць Пагадненне аб унясенні змяненняў у Пагадненне паміж Урадам Рэспублікі Беларусь і Урадам Чарнагорыі аб узаемных паездках грамадзян ад 30 верасня 2009 года (далей — Пагадненне), заключанае шляхам абмену нотамі 29 кастрычніка 2018 года. Дадзены міжнародны дагавор з’яўляецца папраўкай да Пагаднення паміж Урадам Рэспублікі Беларусь і Урадам Чарнагорыі аб узаемных паездках грамадзян ад 30 верасня 2009 года (далей — дзеючае Пагадненне), згода на абавязковасць для Рэспублікі Беларусь якога была выказана Законам Рэспублікі Беларусь ад 1 снежня 2010 года «Аб ратыфікацыі Пагаднення паміж Урадам Рэспублікі Беларусь і Урадам Чарнагорыі аб узаемных паездках грамадзян». Дзеючым Пагадненнем прадугледжаны бязвізавы ўезд, выезд і знаходжанне грамадзян аднаго боку на тэрыторыі другога тэрмінам да 30 дзён.

У мэтах спрашчэння рэжыму ўзаемных паездак грамадзян Рэспублікі Беларусь і Чарнагорыі Пагадненнем прапануецца ўнесці наступныя змены ў дзеючае Пагадненне:

выключыць з пункта 2 артыкула 1 дзеючага Пагаднення словы «якія маюць турыстычны ваўчар (індывідуальны або калектыўны) або запрашэнне, аформленыя ў адпаведнасці з нацыянальным заканадаўствам дзяржавы, якая іх выдае, а таксама на падставе адпаведнай медыцынскай даведкі аб цяжкай хваробе або смерці члена сям’і або блізкага сваяка пры наяўнасці пацвярджаючых дакументаў». Адпаведная прапанова прадугледжвае адмову ад афармлення дакументаў, якія пацвярджаюць мэту такіх паездак (турыстычнага ваўчара, запрашэння, медыцынскай даведкі);

выключыць з тэксту дзеючага Пагаднення артыкул 2 «грамадзяне дзяржавы аднаго Боку — уладальнікі сапраўдных праязных дакументаў, што сведчаць асобу, якія не пазначаны ў гэтым міжнародным дагаворы, уязджаюць, выязджаюць, едуць транзітам або часова знаходзяцца на тэрыторыі дзяржавы іншага Боку пры наяўнасці адпаведнай візы».

Прапанаваныя змяненні накіраваны на спрашчэнне ўзаемных паездак грамадзян і будуць спрыяць развіццю і ўмацаванню не толькі міжасабовых кантактаў, але і ў цэлым супрацоўніцтва ў палітычнай, эканамічнай, гаспадарчай, навуковай і культурнай галінах.


Гісторыя разгледжання
Бягучая стадыя: Прыняты ў адным чытанні
Унесенне ў Палату прадстаўнікоў
Дата паступлення ў Палату прадстаўнікоў: 05.03.2019
Скліканне: Шостае скліканне
Сесія: Шостая сесія
Камісія, у якой разглядаецца законапраект: па міжнародных справах
Адказны дэпутат: Шаўцоў Дзмітрый Яўгеньевіч
Адказны работнік Сакратарыята: Кісель Марына Евстафьевна — галоўны саветнік аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па міжнародных справах 


Адно чытанне
Усе законапраекты
Сёмае скліканне
Навіны па тэме