«Аб ратыфікацыі Пратакола аб унясенні змянення ў Дагавор аб далучэнні Кыргызскай Рэспублікі да Дагавора аб Еўразійскім эканамічным саюзе ад 29 мая 2014 года, падпісаны 23 снежня 2014 года»

12 лістапада 2018 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пратакола аб унясенні змянення ў Дагавор аб далучэнні Кыргызскай Рэспублікі да Дагавора аб Еўразійскім эканамічным саюзе ад 29 мая 2014 года, падпісаны 23 снежня 2014 года».

Законапраектам прапануецца ратыфікаваць Пратакол аб унясенні змянення ў Дагавор аб далучэнні Кыргызскай Рэспублікі да Дагавора аб Еўразійскім эканамічным саюзе ад 29 мая 2014 года, падпісаны 23 снежня 2014 года (далей — Пратакол), які быў падпісаны 14 мая 2018 года ў г. Сочы.

У адпаведнасці з пунктам 1 артыкула 8 Дагавора аб далучэнні Кыргызскай Рэспублікі да Дагавора аб Еўразійскім эканамічным саюзе ад 29 мая 2014 года, падпісанага 23 снежня 2014 года, нарматыў размеркавання сум увазных мытных пошлін паміж бюджэтамі пяці дзяржаў — членаў Еўразійскага эканамічнага саюза быў усталяваны тэрмінам на тры гады, пачынаючы з даты прымянення Кыргызскай Рэспублікай Адзінага мытнага тарыфу Еўразійскага эканамічнага саюза.

Перыяд дзеяння гэтых нарматываў размеркавання сум увазных мытных пошлін скончыўся 12 жніўня 2018 года, паколькі Кыргызская Рэспубліка пачала прымяняць Адзіны мытны тарыф Еўразійскага эканамічнага саюза з 12 жніўня 2015 года.

У сувязі з гэтым артыкулам 1 Пратакола прадугледжваецца працягненне тэрміну дзеючых нарматываў размеркавання сум увазных мытных пошлін шляхам замены ў пункце 1 артыкула 8 Дагавора аб далучэнні Кыргызскай Рэспублікі да Дагавора аб Еўразійскім эканамічным саюзе ад 29 мая 2014 года, падпісанага 23 снежня 2014 года слоў «На перыяд трох гадоў з даты пачатку прымянення Кыргызскай Рэспублікай мытнага тарыфу Еўразійскага эканамічнага саюза» словамі «На тэрмін па 31 снежня 2019 года ўключна».

У артыкуле 2 Пратаколу замацавана, што дадзены Пратакол часова прымяняецца з 12 жніўня 2018 года і ўступае ў сілу з даты атрымання дэпазітарыем апошняга пісьмовага паведамлення аб выкананні Бакамі ўнутрыдзяржаўных працэдур, неабходных для яго ўступлення ў сілу.