11 лютага 2020 года пад кіраўніцтвам намесніка старшыні Пастаяннай камісіі Палаты прадстаўнікоў па працы і сацыяльных пытаннях Гардзейчыка І.А. адбылося пасяджэнне рабочай групы па падрыхтоўцы праекта Закона Рэспублікі Беларусь «Аб правах інвалідаў і іх сацыяльнай інтэграцыі» (першае чытанне).
У рамках гэтага пасяджэння абмеркаваны заўвагі і прапановы дэпутата Пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі Васілевіч М.В., якія датычацца пытанняў увядзення паняцця «беларуская мова жэстаў» і карэкціроўкі паняцця «інваліднасць», відаў і формы дыскрымінацыі па прымеце інваліднасці, сродкаў зносін, пашырэння зместу напрамкаў рэабілітацыі і абілітацыі інш.
У пасяджэнні прынялі ўдзел прадстаўнікі Нацыянальнага цэнтра заканадаўства і прававых даследаванняў, Міністэрства працы і сацыяльнай абароны, Сакратарыята Палаты прадстаўнікоў.