23 чэрвеня 2020 года старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па аграрнай палітыцы Шаўчук М.М. правёў пасяджэнне

На пасяджэнні Пастаяннай камісіі абмеркаваны матэрыялы, якія паступілі ў камісію па праекце Закона Рэспублікі Беларусь «Аб селекцыі і насенняводстве сельскагаспадарчых раслін», і вызначаны адказныя за падрыхтоўку адпаведнага законапраекта да разгляду Палатай прадстаўнікоў Нацыянальнага сходу Рэспублікі Беларусь.

Вывучаны прапановы Міністэрства сельскай гаспадаркі і харчавання, якія паступілі па праекце Закона Рэспублікі Беларусь «Аб змяненні Закона Рэспублікі Беларусь «Аб ідэнтыфікацыі, рэгістрацыі, прасочваемасці сельскагаспадарчых жывёл (статкаў), ідэнтыфікацыі і прасочваемасці прадуктаў жывёльнага паходжання». Работа над законапраектам будзе працягнута ва ўстаноўленым парадку.

Разгледжаны таксама законапраекты, якія паступілі з іншых пастаянных камісій Палаты прадстаўнікоў, і абмеркаваны іншыя пытанні, якія тычацца дзейнасці Пастаяннай камісіі па аграрнай палітыцы.